මේ සිදුවීම සිදුවුනේ මම සරසවියේ දෙවන වසරේ සිටියදීය. සරසවියේ ක්‍රියාත්මක වූ එක්තරා සංගමයක් මගින් අදාළ විෂය පිළිබඳ විවිධ ලිපි, ඡායාරූප ආදියෙන් සමන්විත බිත්ති පුවත්පතක් පවත්වාගෙන ගියා. එය දැන්වීම් පුවරුවක් කියන්නත් පුළුවන්. එම බිත්ති පුවත්පත සංස්කරණය කළේ පළමු වසරේ සොයුරියක්. ඉඩ තිබූ අවස්ථාවලදී ඇයට සහාය වීමට මම ඉදිරිපත් වුනා. ඒ මම ඒ සංගමයේ සභාපති වූ නිසා පමණක් නොව එවැනි වැඩක ඇති අපහසුව අතීත අත්දැකීම් අනුව දැන සිටි හන්දයි.
ඉතින් එසේ වැඩ කළ දිනයක, ඒ සොයුරිය අදාළ කලාපය සඳහා තෝරාගෙන තිබූ පින්තූරයක් මට පෙන්වූවා. එය වන්දන් දෙදෙනෙකු එකිනෙකාට මුහුණලා සිටින පින්තූරයක්. (එය මේ ඡායාරූපයේ ඇති පින්තූරය හා සමානයි, ඒත් මට මතක හැටියට වදින ඉරියව්වෙන් සිටියෙ එකෙකු පමණයි.)
ඇය එය පෙන්වා මගෙන් මෙසේ ඇසුවාය. "මං මේකට මෙහෙම කැප්ෂන් එකක් දානවා... විල් යූ මැරි මී?"
මොහොතක් ගත් මම "මගෙන් නෙවෙයිනෙ අහන්නෙ, කමක් නෑ." කියා උත්තර දුන්නෙමි.
ඈ තරහවෙන් හෝ ලැජ්ජාවකින් ඉවත බලාගත්තාය.
(ඈ තරහ වූයේ නම් නැත. ඒ මිත්‍රත්වය සරසවි සමයෙන් පසුව අද දක්වා ද තිබෙයි).
No comments:
Post a Comment