(ගමන් කතා කීවෙ අපි ඔය ට්‍රිප් යනකොට වූ සිද්ධිවල එකතුවක්)
ඔන්න මේක උනේ අපි මාසෙකට ට්‍රිප් දෙකක් විතර යන කාලෙ. එදා අපි කීප දෙනෙක් ගියා වාරණ පන්සලට. ගිහින් එහි තිබූ පැරණි දේවල් විස්තර බලලා ඒ කිට්ටුව කඩේකින් බනිස් කාල තේ බීලා ආපසු ආවා තිහාරිය හන්දියට. එතැනින් ඊළඟට යන්න තිබ්බ තැනට යන එක ගැන කතා කර කර ඉදිරියට යද්දි අපේ නඩේ හිටපු වැඩිහිටියා පේන්න නෑ. (වැඩිහිටියා කීවට මට වඩා අවුරුදු හතරයි නැත්තං පහයි වැඩිමල්.)
හැරිලා බලද්දි එයා පාර අයිනට වෙලා නැවතිලා. බැලින්නං එයාගෙ ජංගම දුරකථනයට කෝල් එකක් ඇවිල්ලා. ඉතිං එයා ගමන නතර කරලා, පාරෙන් ඉවතට හැරිලා කෝල් එකට ආන්සර් කරනවා. අනිත් එවුන් ගමන යනවා.
මේක දැකපු අපේ එකෙක් කිව්වා "ඕක මොබයිල් එකක් ද එහෙම නැත්තං ලෑන්ඩ් ෆෝන් එකක්ද බං" කියලා.
අපේ යාලුවාටත් එතකොට තමයි මතක් උනේ යන ගමන් කතා කරන්න පුළුවන් කියලා. ඒ මිත්‍රයා දැන් නං යන ගමං ආන්සර් කරනවා. ඒ මදිවට බයික් එකේ යන ගමනුත් ආන්සර් කරනවා.
ධනේෂ් විසුම්පෙරුම
2020.09.10
No comments:
Post a Comment