Monday, April 12, 2021

දුවගේ වස්තුව...

පොත් රාක්ක අස්කරද්දි
යළි හමු වූ මේ එකතුව
බිම පෙරලාගෙන ඉඳගෙන
තෝරා - ගලපා - රසවිඳ
බඳුනට දමනා සෙල්ලම
පටන් අරන් වගේ පෙනෙයි...

මාල පබලු - ටීක් බෝල
බොත්තම් හා සීකුයින්ස්
පැන්සල්වල කෑලි බෑලි
තව තව පොඩි පොඩි අයිටම්
තව සෑහෙන වෙලාවකට
ඔතන තමයි එයා ඉතින්...

සැනින් ගියෙමි අතීතයට
මටත් තිබුන ඒ වාගේ
එක එක දේ පෙට්ටියක්ම
තෝර තෝර රසවිඳින්න...
ඒවායින් එකක් දෙකක්
තාමත් තියනව මා ළඟ!


ධනේෂ් විසුම්පෙරුම

12.04.2021

No comments:

Post a Comment